Jólatræssølan hjá Kiwanis er byrjað

Á hvørjum ári selur Kiwanis jólatrø, og aftur í ár er Kivanis at finna á parkeringsplássinum aftan fyri Sjónleikarahúsið í Havn.

Í ár fer yvirskoti av søluni til Beran. Berin virkar fyri, at børn og foreldur í sorg, sum frálíður, gerast betur før fyri at handfara sorgina og á tann hátt hava størri møguleika fyri aftur at fáa eitt gott og innihaldsríkt lív, har tey mennast og læra at liva við sorgini.

Sølan er opin mánadag til fríggjadag kl. 16 til 20, og leygardag og sunnudag frá kl. 14 til 20.

Trøini eru í nógvum støddum, frá einum metri til 2,30 metrar. Prísurin liggur frá 300 til 500 krónur.