Jón Magnus í Smiðjuni

Jón Magnus Joensen hevur málningaframsýning í Smiðjuni í Lítluvík frá fríggjadegnum 29. september til og við týsdagin 3. oktober.

Myndevnini á framsýningini eru flestu frá høvuðsstaðarøkinum, og lýsa hetta á ymsan hátt. Tað eru fleiri enn 30 málningar við á framsýningini, flestu stórir. Málningarnir eru litfagrir, har ljósið spælir sín leiklut.

Jón hevur havt mangar málningaframsýningar seinastu góðu tredivu árini, harav fleiri í Smiðjuni. Hann var á listaskúla í Danmark í 2003.

Framsýningin letur upp nú fríggjadagin kl. 15.

Jón er argjamaður og býr á Toftum, har hann hevur egið atelier.