Kaj Leo er best umtóktur í landsstýrinum

Kaj Leo Holm Johannesen, fyrrverandi løgmaður, og núverandi landsstýrismaður við heilsumálum, er tað landsstýrisfólkið, sum hevur størsta tokka millum veljararnar.

Í sambandi við veljarakanningina, sum Spyr.fo gjørdi fyri Blaðið Vikuskiftið í farnu viku, vóru veljararnir bidnir um at siga hvørji trý landsstýrisfólk í sitandi landsstýri hava klárað seg best.

Og næstan tveir triðingar – 65 prosent – høvdu Kaj Leo Holm Johannesen millum tey trý, sum peikað varð á.

Tølini vísa, at Kaj Leo serliga er umtóktur millum andstøðuveljarar, tá teir verða spurdir um at peika áa tey trý landstýrisfólkini, sum hava klárað seg best í fyrsta helmingi av hesum valskeiði. Heili 81 prosent av veljarunum hjá andstøðuflokkunum peikaðu á Kaj Leo, meðan tilsvarandi talið millum samgonguveljarar var 44 prosent.

Les meira um veljarakanningina ókeypis í Blaðnum Vikuskifti her