Mentan

Kannst du sagen lebewohl

Sangurin “Kanst tú siga farvæl”, sum Steintór Rasmussen skrivaði í 1998 er nú umsettur til týskt. Asta Højgaard syngur. Hoyr lagið her

Vinarliga broyt tínar kennifíla - og privatlívsstillingar fyri at síggja hetta innihald

2020-05-24 23:14 Author image
Sverri Egholm
placeholder

Kannst du sagen lebewohl syngur Asta Højgaard úr Klaksvík. Hon stendur við sjóvarmálan og tankarnir leita víða.

Sorgblíðni føroyski sangurin, um persónligan stongsil og útfarahug, hevur í síni 22 ára gomlu livitíð fylgt føroyingum burturi og heima.   

Men spurningarnir eru teir somu á týskum. Kannst du sagen lebewohl; zu diesen trauten Wegen; die Welt in deine kleinen Füße legen.

Ingi Isaksen og Erik Biskopstø hava upptikið sangin og spæla øll ljóðførini. Umframt Astu syngur Pætur við Keldu røddir og kór. 

Tað er Petur M. Solmunde, ið hevur filmað, klipt og sett videolagið saman.

Sangin, Kanst tú siga farvæl, skrivaði Steintór Rasmussen í 1998. Ta týsku umsetingina eigur Martin Schürholz.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder