Agnar Prestá
Síðani útbrotið av coronavirusinum hevur sølan av hondspritt veruliga tikið dik á seg í Føroyum.
Summi hava keypt undir seg, og Apoteksverkið hevur verið noytt til at nokta einstøkum persónum at keypa meira enn eina fløsku.
Nú boðar Kemilux frá, at sølan av vøruni á Hjalla steðgar. Hetta er í tráð við tiltøkini hjá landsstýrinum í samband við koronavirusið, og tað er ætlað til at tryggja bestu karmarnar til tey veikastu í samfelagnum í hesari støðuni.
Kemilux fer nú bert at selja spritt til tey støð og fólk, har størst tørvur er á tí.
Soleiðis skrivar Kemilux í fráboðan fyri løtu síðani:
Góðu viðskiftafólk!
Einki spritt verður selt í okkara handli á Hjalla komandi tíðina.
Hendan avgerðin er tikin við útgangsstøði í tiltøkunum, sum Landsstýrið hevur sett í verk fram til 30. mars.
Vit fylgja gongdini gjølla, og taka avgerðir svarandi til tilmælini og gongdini í samfelagnum.
Heilsuverkið og eldraøkið eru karmur um tey veikastu í samfelagnum. Í løtuni vil KEMILUX gera sítt til, at tryggja karmarnar hjá hesum samfelagsbólkum, so væl til ber.
Vinarliga broyt tínar kennifíla - og privatlívsstillingar fyri at síggja hetta innihald