Kliptu nummarspjøldur í nátt

Løgreglan hevur í nátt verið úti við einum lista yvir bilaeigarar, sum eru í eftirstøðu fyri falnan vegskatt ella trygging.

Listin er langur, og í nátt vórðu nummarspjaldur skrúvað ella klipt av sjey bilum. Hetta var alt í Suðurstreymoy.

Í samband við hetta átakið, avdúkaði løgreglan eisini eitt barn, sum sat óbundið í einum bili. Bilførarin fær klipp í koyrikortið umframt bót.

Í gáramorgunin var løgreglan til staðar við Skúlan á Fløtum við skúlabyrjan fyri at kanna ferðsluna. Tað gleðiliga við hesi hending var, at ongin sak varð skrivað.

Hinvegin vóru hópin av børnum, sum fekk ókeypis endurskin frá politistunum.