Kókitilmæli fyri Argjavegin stendur við

Nú er næstan ein mánaður síðani, at bakteriur fyrst vórðu staðfestar í vatninum í vesturbýnum í Havn og á Argjum.

Fríggjadagin vístu kanningar, at bakteriur enn vóru í vatninum á strekkinum frá Rættargøtu og út til bátahylin á Argjum, og nýgjastu kanningarúrslitini, sum vórðu tøk í morgun, vísa, at bakteriur enn eru í vatninum.

Í morgun vóru smáar nøgdir av koliformum bakterium í vatninum út eftir Argjavegnum. Fýra royndir vórðu tiknar, og var bakteriutalið úr 1 og upp í 8 pr. 100 ml av vatni, skrivar Tórshavnar kommuna.

Leitað verður áhaldandi eftir orsøkini til dálkingina, og møguliga verður neyðugt at klora vatnið einaferð enn.

Kommunan kunnar áhaldandi um støðuna.