Kommunurnar bíða við at fylla dagstovnarnar

Í gjár boðaði løgmaður frá, at kommunurnar nú fara at skipa virðsemið soleiðis, at øll børn kunnu koma aftur á stovn.

Men hetta verður ikki galdandi longu frá mánadegnum. Tað boðar Føroya Kommunufelag frá á heimasíðu síni í dag.

Í eini kunning, sum er send út til limakommunurnar verður mælt til, at børnini framhaldandi verða skipað í smærri bólkar. Eisini verður mælt til, at børnini í so stóran mun sum møguligt eru uttandura, og at tey ikki øll eru á stovuni samstundis.

Arbeitt verður við at dagføra vegleiðingarnar saman við Koronaráðgevingini, og nýggja vegleiðingin verður væntandi klár í komandi viku, skrivar Kommunufelagið.