Koyrdi 112 km/t – Misti koyrikortið á staðnum

Seinnapartin í gjár millum klokkan 16 og 20 var løgreglan úti og kannaði ferðsluna Við Áir. Í hesum sambandi vórðu fýra mál skrivað.

Í tveimum førum vóru tað billyktirnar, sum ikki vóru í lagi, og í tveimum førum var talan um bilførarar, sum koyrdu ov skjótt.

Ein koyrdi beint omanfyri 100 km/t, og tað fær hann eitt klipp í koyrikortið fyri. Hin førarin koyrdi 112 km/t, og misti hann sostatt koyrikortið á staðnum.