Koyrdi 115 km/t

Í gjárkvøldið var løgreglan úti og gjørdi ferðmátingar Millum Fjarða og á Oyndarfjarðarvegnum, og tá var ein bilførari tikin fyri at koyra ov skjótt.

Viðkomandi, sum varð steðgaður á Oyndarfjarðarvegnum, koyrdi 115 km/t. Tað gevur eina treytaða frádøming, og skal viðkomandi sostatt upp til nýggja koyriroynd, sigur vaktleiðarin á løgreglustøðini í Havn.

Lagt verður afturat, at seinasta samdøgrið annars hevur verið stak friðarligt.