Koyrdu ov skjótt við Áir

Seinasta náttin hevur verið stak friðarlig, sigur løgreglan. Løgreglan hevur verið úti og klipt nummarplátur av bilum hjá eigarum, sum ikki hava goldið vegskatt.

Tríggjar nummarplátur vórðu tiknar í Norðurøkinum, og 12 vórðu tiknar í Streymoynni.

Í gjárkvøldið var løgreglan úti og gjørdi ferðamátingar við Áir, og har vórðu fýra bilførarar tiknir fyri at koyra ov skjótt. Loyvt var at koyra 80 km/t, men allir fýra koyrdu omanfyri 100 km/t, upplýsir vaktleiðarin á politistøðini.

Allir fýra bilførarar fáa klipp í koyrikortið, umframt at teir kunnu vænta sær í minsta lagi 1.500 krónur í bót.