Agnar Prestá
20. august ávaraði Flyvebranchens Personale Union (FPU) um verkfall. Hetta varð gjørt vegna tær flogternurnar hjá Atlantic Airways, ið kravdu eina rættvísa samráðing á jøvnum føti.
Føroyar Arbeiðarafelag, sum Atlantic Airways er limur í, gjørdi greitt, at felagið ynksti at samráðast, men at hetta ikki var gjørligt so leingi sum Súlan, fakfelagið hjá flogternunum hjá Atlantic Airways, ikki hevði eina nevnd. Sambært Arbeiðsgevarafelagnum var Súlan tískil ikki virkisfør.
Nú hevur Súlan havt eykaaðalfund, og nevndin er vald. Helena Johannesen er forkvinna í Súluni, og hinar í nevndini eru Ása Østerø og Dís í Dali Jespersen. Hetta skrivar Kringvarpið.
Í dag hava Føroya Arbeiðsgevarafelag og Súlan handa hvøjrum øðrum krøvini, og samráðingarnar byrja um nakrar dagar. Har fer Flyvebranchens Personale Union, at hava fólk við samráðingarborðið.
Onnur fráboðan um arbeiðssteðg er send Atlantic Airways. Sambært henni fara floternur hjá Atlantic við basa í Danmark í verkfall tann 1.oktober, um ikki sáttmáli er gjørdur tá.
Vinarliga broyt tínar kennifíla - og privatlívsstillingar fyri at síggja hetta innihald