Kunnu aftur verða broytingar og avlýsingar

Buldraliga veðrið seinastu dagarnar hevur elvt til nógvar avlýsingar hjá Strandferðsluni.

Smyril sigldi týsmorgunin men síðani ikki restina av degnum, als eingin sigling var í gjár.

Siglingin um Suðuroyarfjørð varð tikin uppaftur í morgun, og veðrið er væl betri. Tað sær tó so mikið ivasamt út næstu dagarnar, at Strandferðslan legði hesi boðini út á heimasíðu sína tíðliga seinnapartin: 

- Fyri veður kann roknast við broytingum og møguligum avlýsingum á leið 7, fríggjadag 2. februar og leygardag 3. februar.

Smyril siglir eftir ætlan fimm túrar í morgin og fimm túrar leygardagin. Sí alla ferðaætlanina á ssl.fo.

Sagt verður frá meira vindi seint í kvøld og til einaferð leygardagin í øllum førum.

Sí veðurforsøgnina á portal.fo