Laksaprísurin batnaður seinastu dagarnar

Alivinnan hevur upplivað ein rættiliga fittan prísvøkstur á marknaðinum seinastu dagarnar.

Norski netmiðilin iLaks heintar hvønn fríggjadag inn prísir og tøl frá eini røð av veitarum á ymsum stigum í norsku alivinnuni.

Og nýggjasta uppgerðin vísir, at laksaprísurin hevur tikið eitt lop uppeftir seinastu dagarnar.

Kiloprísurin er upp móti 70 krónum, norskum, og tað er ein prísvøkstur upp á yvir 10 krónur upp á bert eina viku, vísir miðilin á.

Og nógv bendir á, at prísurin fer at halda sær oman fyri tær 60 krónurnar í eina tíð afturat, sigur ein laksaseljari við iLaks.