Alda Nielsdóttir
Sunnukvøldið 27. oktober verður árliga landsinnsavningin hjá Reyða Krossi.
Kringvarpið sendir beinleiðis úr Fiskastykkinum í Sandavági frá klokkan 19, boðar Reyði Krossur frá í tíðindaskrivi.
Í sendingini verða samrøður og innsløg um hjálpararbeiðið umframt undirhald og tónleikaframførslur við eitt nú Vágaverk, Guðrið Hansdóttir, Jasmin og Beinir.
– Landsinnsavningin er ein møguleiki hjá okkum øllum – fólki og fyritøkum - at savna pening til at hjálpa, har neyðin er størst – bæði her heima og úti í heimi. Við at lata eina peningaupphædd kanst tú vera við til at gera veruligan mun.
– Fyritøkur, feløg og kommunur kunnu fáa stuðulsupphæddina vísta á rullandi breddanum, sum verður at síggja niðast á skíggjanum undir allari sendingini. Fyri at tryggja sjónligheit frá byrjan av sendingini, skráset endiliga stuðulin longu nú á www.redcross.fo/fyritøkur.
Meira um landsinnsavningina, og hvussu ein kann stuðla, kann lesast her.
Vinarliga broyt tínar kennifíla - og privatlívsstillingar fyri at síggja hetta innihald