Landsstýrismaðurin bakkar

Boðini um broytingar í leiðslukunningarskipanini sum leiðslurnar hjá Klaksvíkar sjúkrahúsi og Suðuroyar sjúkrahúsi fingu í gjár, verða tikin aftur.

Hetta var ein broyting í roknskapargóðkenningarskipanini hjá Landssjúkrahúsinum í gjár hevði við sær, at Steinar Eirikstoft, stjóri á Landssjúkrahúsinum, varð skrásettur sum stovnsleiðari fyri allar kontur hjá Sjúkrahúsverkinum.

Hetta verður tó av ongum, sigur Kaj Leo Holm Johannesen, landsstýrismaður, við útvarpið í kvøld.

Málið hevur elvt til rumbul seinasta samdøgrið, tí eitt nú Alexandra á Dul, sjúkrahússtjóri á Klaksvíkar sjúkrahúsi kendi seg tikna av ræði. Eisini politikarar hava gjørt vart við hetta, og suðuroyartinglimurin í Javnaðarflokkinum, Bjarni Hammer, sett Kaj Leo Holm Johannesen ein grein 52 fyrispurning um málið.

Alexandra á Dul er boðin á fund í Heilsumálaráðnum fyrrapartin í morgin.