Langar bíðirøðir í morgun

Ferðslan til Havnar hevur verið nakað tarnað í kalda góðveðrinum í morgun.

Helst er hálka orsøkin.

Nakað fyri klokkan níggju vóru bíðirøðirnar av bilum inn til Havnar langar. Hetta skyldaðist, at ein lastbilur ikki kláraði brekkuna niðan móti ljósstýrda vegamótinum í Hoydølum, har ísur varð lagstur á koyribreytina.

Bilurin varð settur út á vegjaðaran, og nú koyrir ferðslan sum vant aftur, upplýsir vakthavandi á politistøðini. 

Bíðirøðin av bilum byrjaði áðrenn komið var til Sandvíkar (Mynd: Birgir Waag Høgnesen)