Innanlands

Leiðreglurnar verða nú herdar

Tey smittaðu skulu í sóttarhald í 14 dagar, uttan mun til nær tey hava havt seinastu sjúkueyðkenni, sigur Heilsumálaráðið

(Mynd: Sverri Egholm)

(Mynd: Sverri Egholm)

2020-03-28 16:05 Author image
Sverri Egholm
placeholder

Leiðreglurnar fyri tey, ið hava fingið staðfest coronasmittuna, verða nú herdar. Uttan mun til nær tey hava havt seinastu sjúkueyðkenni, so skulu tey nú verða í sóttarhaldi í 14 dagar eftir staðfesta smittu.

Tað sigur Heilsumálaráðið í skrivi í dag.

Hetta kemst av, at nýggjar kanningar vísa, at tað er ein møguleiki fyri, at tú kanst smitta longur enn 48 tímar eftir seinasta sjúkueyðkenni. Higartil hava leiðreglurnar verið, at smittað fólk verða staðfest frísk aftur, tá ið 48 tímar eru farnir uttan sjúkueyðkenni, sigur Heilsumálaráðið.

Nýggju leiðreglurnar eru longu settar í verk.

Annars eru 64 fólk higartil blivin staðfest frísk, men helst kemur stígur í hetta talið í nakrar dagar.

placeholder
placeholder