Leita eftir avloysara fyri Berg Debes Joensen fyrstu mánaðirnar í 2027

Søkt verður nú eftir virkandi sóknarpresti til tænastuna sum prestur í Suðurstreymoyar vestara prestagjaldi. 

Fólkakirkjan skrivar á heimasíðu sínari, at talan er um tíðarskeiðið 1. januar – 31. mars 2027.

Hesar mánaðirnar verður sóknarpresturin Bergur D. Joensen upptikin av nýggju bíbliutýðingini.

Í prestagjaldinum eru fýra kirkjusóknir: Tórshavnar vestara, Argir, Kirkjubøur og Hestur. Eisini verða gudstænastur hildnar í Norðadali.

- Afturat kirkjunum eru onnur tænastustøð, t.d. gudstænasta og andakt á ellis- og røktarheimum, stovnum og býlum. Hesi støð eru í samráð við avvarðandi myndugleikar ein natúrligur partur av yrki prestsins.

Les meira á folkakirkjan.fo