Lekar seinkaðu arbeiðnum í Sandoyartunnlinum í seinastu viku

Eystur-og Sandoyartunlar hevur í vikuni boðað frá gongdini í seinastu viku viðvíkjandi borðingini í Sandoyartunnlinum.

Hon varð merkt av lekum, ið seinkaðu arbeiðnum so mikið, at bert 81 metrar vórðu boraðir: 23 metrar í Traðardali, har arbeiði byrjaði 27. juni og 1.287 metrar nú eru boraðir, og 58 metrar á Gomlurætt, har arbeiði byrjaði 14. august, og har 812 metrar eru boraðir.