Listaframsýning við Jacob Fuglø

Í døgunum 1. – 20. februar verður framsýning í Ribarhús í Fuglafirði við listamanninum Jacob Fuglø, Hvalvík.

Jacob hevur havt fleiri framsýningar í Julianehåb (Qaqortoq) í Grønlandi. Tann fyrsta var í 1968, og síðani tá hevur hann havt fleiri framsýningar bæði í Danmark og Føroyum.

Á framsýningini eru 25 málningar – bæði náttúru og abstrakt motivir.

Ribarhús er opið mánadag til fríggjadag kl. 15 til 17.30, og leygardagar millum kl. 11 og 14.