Ljósketa var orsøkin til eldsbrunan í Hoyvík í vikuskiftinum

Leygarkvøldið kom eldur í eini sethús í Hoyvík. Eingin fólkaskaði stóðst av hendingini, men húsini fingu so umfatandi roykskaða, at húsfólkini ikki fingu verið í húsunum.

Kanningar fóru í gongd, og vp.fo skrivar í dag, at orsøkin til eldsbrunan er funnin. Michael Gram, kanningarleiðari, sigur við miðilin, at tala var um skammlop í einari ljósketu.

Hendan ljósketan var til uttandura brúk og var trý ára gomul. Hon varð hongd upp inni.

- Í slíkum føri eru tí ráðini altíð at kanna ketuna væl og virðiliga, áðrenn hon verður hongd upp inni, sigur Michael Gram við Vágaportalin