Løgreglan eftirlýsir ljósan bil

Um middagsleitið í dag hendi eitt ferðsluóhapp í Kollfjarðatunnlinum.

Ein ljósur bilur á veg ímóti Kollafirði, kom ov langt yvir í vinstru vegabreyt. Bilurin rakti síðuna á tveimum mótkoyrandi bilum, sum fingu materiellan skaða.

Ljósi bilurin steðgaði ikki, og kanningar á staðnum kundu bent á, at talan er um ein Toyota Auris, skrivar løgreglan í eini fráboðan. 

Løgreglan biður nú almenningin um at hjálpa til við at finna fram til bilin, tí hon kundi hugsa sær at komið í samband við føraran á bilinum.