Løgreglan kannar harðskapsmál í Klaksvík

Løgreglan er í dag farin at kanna eitt eitt harðskapsmál, sum hendi í Klaksvík í gjár.

Vaktleiðarin á løgreglustøðini váttar fyri Portalinum, at málið er meldað, og at tað nú verður kannað. Meira veit vaktleiðarin ikki at siga um málið í løtuni.

Fyrr í dag skrivaði mamman hjá eini ungari kvinnu við downs syndromi á Facebook um hendingina, har hon sóknaðist eftir vitnum.

Talan er um ein tilburð, sum fór fram á Sandinum í Klaksvík um kl. 13.30 í gjár, har unga kvinnan bíðaði eftir bussinum.

Tá komu tveir yngri dreingir framvið á súkklu, sum lupu á kvinnuna. Annar steinaði meðan hin sparkaði kvinnuna í búkin.