Løgreglan sóknast eftir vitnum

Hósmorgunin varnaðust Klaksvíkingar, at onkur hevði hongt eina grindakúlu upp á stóra húkin í rundkoyringini. Helst er talan um eina kúlu frá grindini, sum legði beinini í Hvannasundi mikudagin.

Les eisini: Blóðug heilsan í Klaksvík

Talan er um eitt herverksmál, og vil løgreglan fegin frætta frá fólki, sum hava sæð ella hoyrt nakað, sum kann hava týdning fyri málið, sigur løgreglan við Kringvarpið.

Grindin í Hvannasundi var sera lítil – 10 hvalir og 85 skinn, sum vórðu býtt í drápspartar.

Les eisini: Lítil grind legði beinini í Hvannasundi