Løgreglan undir herferð móti prutlum

Tað eru nógvar fráboðanir dagliga um larm av prutlum. Í fleiri førum er talan um prutl sum eru bygnaðarbroytt, og eisini um førarar undir aldur. Hesi prutl larma illa, og órógva náttarfriðin.

Løgreglan fer í næstum í hernað móti hesum prutlunum, men kemur í fyrsta umfari við ávaring til foreldur, um at tosa við síni børn um hendan trupulleikan, og eisini tryggja sær, at prutl og skutarar hjá børnunum eru í lógligum standi.

Prutlini eru skrásett, so løgreglan veit, hvør eigur tey. Seinni í summar kann væntast, at løgreglan fer heim til eigararnar og kannar hvussu standurin á teimum er.