Løkke undrast: - Haldi at hann gevur upp

Fyrr í dag boðaði Troels Lund Poulsen frá, at hann fer at skipa minnilutastjórn saman við Liberal Alliance og teimum konservativu.

Les meira: Troels Lund Poulsen vil stjórn við LA og konservativu

Formaðurin í danska vinstraflokkinum hevur samráðingarrættin, og hann fer ikki eftir einari breiðari samgongu - ella samgongu yvir miðjuna.

Hetta undrar Lars Løkke Rasmussen, sum peikaði á Troels Lund Poulsen sum samráðingarleiðara og ynskti eina stjórn yvirum miðjuna.

- Eg haldi, at tað er at undrast á, at "kongelig undersøger" gevur upp, tá hann hevur fýra dagar eftir, í mun til tann samráðingarrættin, vit góvu.

- Eg síggi hetta sum eina royndarballón, sum jú ikki kann flúgva, staðfestir fomaðurin í Moderatunum.

Lars Løkke Rasmussen fann eisini smílið fram eftir fundin hjá tingbólkunum í Moderatunum (Mynd: Sebastian Elias Uth/Ritzau Scanpix)

Samráðingar millum Venstre, Liberal Alliance og tey konservativu halda fram. Men Lars Løkke Rasmussen og Troels Lund Poulsen skulu eisini á fund.