Maður handtikin fyri kníválop í Birmingham

Bretska løgreglan hevur handtikið ein mann, sum er undir illgruna í málinum um kníválopini í Birmingham um vikuskiftið.

Les eisini: Fleiri kníválop í Birmingham

Ein maður varð dripin, og sjey onnur vórðu særd. Sambært lokalu løgregluni vórðu kníválopini framd á fýra ymiskum støðum yvir tveir tímar.

Hildið verður, at samband er millum álopini, men tey tykast tilvildarlig, og verða ikki sett í sambandi við yvirgang ella uppgerð millum harkalið, skrivar Rtzau.

Handtikni maðurin er 27 ára gamal. Hann varð tikin klokkan fýra í nátt. Hann er undir illgruna fyri eitt dráp og sjey drápsroyndir.