Marjun Hanusardóttir gevst sum løgmansstjóri í summar

Í summar skal Løgmansskrivstovan hava nýggjan stjóra.

Núverandi løgmansstjórin, Marjun Hanusardóttir, hevur boðað løgmanni frá, at hon formliga gevst í starvinum 1. august.

Marjun Hanusardóttir fylti 67 ár fyrr í ár, og í summar hevur hon verið í starvinum sum løgmansstjóri í 25 ár.

Í næstum verður farið undir tilgongdina at seta nýggjan løgmansstjóra, skrivar Løgmansskrivstovan á heimasíðuna.