Mette Frederiksen: Eg lurti eftir hinum flokkunum

Í gjár boðaði forkvinnan í Radikala vinstraflokkinum frá, at hon vildi hava danska forsætisráðharran, Mette Frederiksen at skriva út val í seinasta lagi 4. oktober, tá fólkatingið kemur saman aftur, og danski forsætisráðharrin sigur, at hon fer at lurta eftir atfinningunum, sum eru komnar úr fólkatinginum í kjalarvørrinum á frágreiðingini, sum Minkanevndin hevur almannakunngjørt.

– Eg lurti sjálvandi eftir, havt flokkarnir siga í fólkatinginum, og ikki minst okkara parlamentariska grundarlagi, sigur hon við TV2.

Tó leggur hon afturat, at hon ongar viðmerkingar hevur til, hvørt hon fer at fylgja áheitanini og útskriva val.

Fólkatingsval nýtist ikki at vera fyrr enn juni næsta ár, men forkvinnan hjá teimum radikalu, Sofie Carsten Nielsen sigur, at flokkurin er til reiðar at atkvøða fyri misálit á Mette Frederiksen, um hon ikki útskrivar val í seinasta lagi 4. oktober.

Les eisini: – Mette Frederiksen eigur at útskriva val