Mette Frederiksen innkallað til tíðindafund

Í Danmark er nú nóg mikið at halda frástøðu, sum er ein metur. Áður hevur tað verið, eins og tað er í Føroyum, tveir metrar.  

Hetta varð sett í verk tríggjar dagar eftir, at avtalan um fasu tvey í hvussu danska samfelagið letur upp aftur, varð gjørd. Hetta hevur fingið leiðararnar í millum annað Venstre og Radikale Venstre, at víst sína ónøgd við, at avtalan varð gjørd á skeivum grundarlagi. 

Tað er óvist, júst hvat Mette Frederiksen fer at koma inn á á tíðindafundinum, ið byrjar klokkan 09 føroyska tíð, og um hon møguliga kemur fram við nøkrum nýggjum. Tað er tó helst nevnda avtlan, ið kemur í fokus.

Júst nú hevur vinnmálaráðharrin, Simon Kollerup, tíðindafund, har ein hjálparpakki á 725 milliónir krónur til ymiskt innan ferðavinnuna verður avdúkaður.