Nú eru tilsamans 7.832 av teimum 10.785 metrunum boraðir í Sandoyartunnlinum, og sostatt er nú minni enn tríggir kilometrar eftir at bora.
Í farnu viku vórðu boraðir 35 metrar í alt, skrivar Sandoyartunnilin á Facebook.
– Boring fyri tveimum teimum seinastu pumpubrunnunum ávirkar framdriftina. Sandoyarmegin verður borað fyri einum pumpubrunni, meðan tunnilin Streymoyarmegin er komin niður á lægsta stað, har tunnilin verður breiðkaður og gjørt verður klárt fyri at bora fimta og seinasta pumpubrunnin.
Í farnu viku vórðu seks metrar boraðir í Traðardali. Har eru nú boraðir í alt 4.143 metrar. Á Gomlurætt vórðu boraðir 29 metrar, og har eru nú boraðir í alt 3.689 metrar.
Arbeiðið byrjaði á sumri í 2019. Boringin í Traðardali byrjaði 27. juni, meðan boringin á Gomlurætt byrjaði 14. august sama.
Vinarliga broyt tínar kennifíla - og privatlívsstillingar fyri at síggja hetta innihald