Misti fleiri túsund krónur

Í gjár fekk løgreglan eina fráboðan frá einum persóni, sum hevði mist fleiri túsund krónur í sambandi við svik á netinum.

Viðkomandi hevði fingið eina fráboðan umvegis sosialar miðlar, um at viðkomandi hevði vunnið eina peningaupphædd.

Fyri at fáa vinningin, varð viðkomandi biðin um at trýsta á eitt leinki og upplýsa kortupplýsingar, og tað gjørdi viðkomandi.

Løgreglan minnir í hesum sambandi fólk á ikki at trýsta á slíkt og ikki lata frá sær kortupplýsingar. Um nakað tykist ov gott til at vera satt, so er tað helst eisini ov gott til at vera satt.