Mortan Simonsen nýggjur fíggjarleiðari í Tórshavnar kommunu

Mortan Simonsen settur í starv sum fíggjarleiðari í Tórshavnar kommunu. Hesum boðar kommunan frá í skrivi á heimasíðu sínari í dag.

Mortan hevur seinasta árið starvast sum fíggjarfulltrúi í teknisku fyrisiting í Tórshavnar kommunu.

Mánadagin 1. juli byrjaði hann sum fíggjarleiðari.

- Mortan Simonsen er útbúgvin cand. polit. Hann hevur drúgvar royndir sum búskaparfrøðingur og leiðandi ráðgevi í Fíggjarmálaráðnum. 

Nýggi fíggjarleiðarin hevur eisini verið ráðgevi í Vinnuhúsinum og eitt skifti ráðgevandi búskaparfrøðingur í egnum virki.