Munnligir spurningar fara at seta dagsskránna

Í gjár vórðu nógvar 2. og 3. viðgerðir í tinginum. Í dag eru ongar. 

Løgtingsfundurin byrjar klokkan 11, og byrjað verður við atkvøðugreiðslu.

Atkvøðugreiðsla verður um, hvørt Helgi Abrahamsen skal svara fyrispurningini frá Høgna Hoydal. Spurningurin snýr seg um kostnaðin í krónum og í mistum størvum í Føroyum av, at peningastovnarnir fingu loyvi at flyta netbanka og peningaupplýsingarnar hjá føroyingum av landinum.

Eftir hetta verða munnligir spurningar, og her kann nógv ymiskt koma fram. Til seinast verður framløga.