Næstan 1000 fólk koppsett í gjár

Ein nýggj sending av koppingarevni frá Pfizer/BioNTech kom til Føroya í vikuni, og nú er aftur ferð komin á koppsetingina.

Tey flestu prikini, sum vórðu gjørd í gjár fóru til fólk, sum longu høvdu fingið fyrra prikið. 62 fólk fingu fyrra prikið meðan 925 fólk fingu seinna prikið, og eru liðugt koppsett.

Prosenttalið av fólki í Føroyum sum hevur fingið seinna prikið fór úr 27,6 prosentum og upp í 29,3 prosent.