Næstan helmingurin heldur, at tiltøkini eru ov veik

Føroyingar eru tvíbýttir í spurninginum um hvat tey halda um tiltøkini, sum landsstýrið setti í verk í dag til tess at mótvirka corona-smittuni í Føroyum.

Tá Spyr.fo fyri Portalin spurdi 500 vaksnar føroyingar ymsar spurningar um corona-tiltøkini, ljóðaði ein spurningur: Hvat heldur tú um tiltøkini, sum í dag eru sett í verk mótvegis corona-smittuni?

Og úrslitið av hesi kanning vísir, at tað nærum eru eins nógv, sum halda, at tiltøkini eru ov veik og so tey, sum halda, at tiltøkini eru nøktandi.

44,4 (+/- 4,36) prosent av teimum spurdu halda, at tiltøkini eru ov veik, meðan 44,6 (+/- 4,36) prosent halda, at tey eru nøktandi.

Bert 6,4 prosent (+/- 2,15) halda, at tiltøkini eru ov ógvuslig, meðan 4,6 prosent (+/- 1,84) siga seg ikki vita. 

Les eisini: Fólkið við støðga flogferðsluni

(rættað kl. 17.02)