Nakrar fráboðanir um vindskaðar

Løgreglan fekk í gjár fýra fráboðanir um vindskaðar. Allar komu úr norðurøkinum.

Í Haraldsundi koppaði ein viðfestivognur seinnapartin, men annars var talan um smáar skaðar.

Í dag er framvegis fitt av vindi, og veðurstøðirnar boða frá meira vindi út á seinnapartin og í kvøld.

Landsverk ávarar eisini um nógvan vind á vegastrekkjum, sum liggja høgt. Serliga á Ørðaskarði í Suðuroy og á Norðradalsskarði á Streymoynni er heilt nógvur vindur. Men bilar verða eisini bidnir um at ansa eftir í Klaksvík, á vegnum til Viðareiðis, um Gjáarskarð, við Norðskálatunnilin eystanfyri, á Velbastaðhálsi og Porkerishálsi.