Neyðugt at hava SSL-kort fyri at koyra við Bygdaleiðum

Frá 1. mai fara Bygdaleiðir at koyra við nýggjum og umhvørvisvinarligum bussum á øllum leiðum - við skerdari ferðaætlan, billettering og tilkalliskipan.

Hetta boðar Strandferðslan frá á heimasíðu sínari. Samstundis verður boðað frá, at tað verður bert møguleiki at nýta eitt SSL-kort frá fríggjadegnum:

- Fyri at sleppa við bussunum í tíðarskeiðinum 1. mai til og við 8. mai, verður neyðugt at hava ella at skaffa sær eitt SSL-kort. Hendan skipanin verður sett í verk fyri at minka um korona smittuvandan. Tað verður bara tikið ímóti SSL-kortum, t.d. mánaðarkortum ella virðiskortum.

Tað vil siga, at tað ikki verður møguligt at gjalda við peningi ella gjaldskortum í bussunum í nevnda tíðarskeiði. Tað verður sett greitt upp: Hevur ein ferðandi ikki eitt SSL-kort, sleppur hesin ikki við bussunum hjá Bygdaleiðum.

Les meira um SSL-kortið her, har standandi ferðaætlan og tilkalliskipan hjá Bygdaleiðum eisini síggjast

Ferðafólkatalið framvegis avmarkað

Strandferðslan skrivar eisini, at í samsvar við tilmæli frá heilsumyndugleikunum sleppa níggju ferðandi við stóru bussunum, fimm ferðandi við miðalstóru bussunum og trý ferðandi við lítlu bussunum. Hetta hevur eisini verið galdandi seinastu tíðina