Niels Juel Arge nýggjur barnaansingarsamskipari í Klaksvíkar kommunu

Klaksvíkar kommuna boðaði í gjár frá á heimasíðu sínari, at Niels Juel Arge er settur sum nýggjur barnaansingarsamskipari.

- Niels Juel byrjar í starvinum tann 1. februar 2021. Hann kemur at hava arbeiðsstað í Húsinum á Fornagørðum, har eisini Barnaverndartænastan og Námsfrøðiliga Ráðgevingin hevur sínar skrivstovur. Haðani kemur samskiparin at vitja dagstovnar og samstarva fakliga við starvsfólkini á Fornagørðum.

Seinastu mongu árini hevur nú 34 ára gamli námsfrøðingurin starvast sum leiðari í náttúrubarnagarðinum Fjallafípan úti í Grøv í Klaksvík. Fjallafípan skal frá 1. mars hava nýggjan leiðara, ið søkt nú verður eftir.