2022-02-11 18:03
Sverri Egholm
Sverri Egholm
Niels Winther er 52 ára gamal, og hevur starvast í Vinnuhúsinum síðan 2011. Áðrenn hetta var hann deildarstjóri í Vinnumálaráðnum, og hevur sostatt drúgvar royndir og gott innlit í tað vinnuliga økið.
Harumframt hevur nýggi stjórin røkt ymisk álitisstørv innan vinnu, útbúgving og gransking.
Nýggi stjórin er útbúgvin í stjórnmálafrøði og virkisleiðslu.
Samstundis sum nevndin í Føroya Arbeiðsgevarafelagi fegnast um at hava sett nýggjan stjóra, vil hon eisini takka Maritu Rasmussen fyri trúgvu tænastuna í Vinnuhúsinum, fyrst sum ráðgevi og síðani sum stjóri í samfull 14 ár. Nevndin ynskir henni blíðan byr í nýggja starvinum sum stjóra á Havstovuni.
Vinarliga broyt tínar kennifíla - og privatlívsstillingar fyri at síggja hetta innihald