Nóg mikið av grind í Norðoyggjum

Ein stór grind er sædd eystur úr Fugloynni, men hon verður ikki hildin til. Ikki í norðurøkinum í øllum førum.

Jacob Vestergaard, sýslumaður, sigur við Norðlýsið, at so mikið av grind er longu í kaggum í norðurøkinum, at avgerð er tikin um ikki at halda henni til har.

Tað kann vera, at grindin verður hildin til aðrastaðni. Grindin verður mett til 300 hvalir.