Nógv fleiri kanningar men einki korona

Nógv fleiri koronakanningar eru gjørdar síðani mørkini lótu upp mánadagin, men enn er eingin funnin við koronasmittuni.

Heldur ikki av teimum 278 kanningum, sum eru lagdar afturat síðani í gjár, var nakar testaður positivt fyri koronasmittuna.

Í alt 11.816 kanningar eru nú gjørdar, og eingin hevur fingið staðfest smittu í seinastu 5.546 kanningunum.

Í alt hava 187 føroyingar fingið staðfest coronasmittuna, og allir 187 eru staðfestir frískir aftur.