Ingi Samuelsen
Tað hevur verið heilt nógvur vindur í nátt og í morgun, og løgreglan hevur eisini havt út at gera hesar seinastu tímarnar at taka ímóti fráboðanum um vindskaðar og onkrar vatnskaðar.
Tað tykist sum størstu skaðarnir hava verið norðanfyri í landinum. Í Klaksvík vórðu yvir 20 skaðar fráboðaðir í morgun, og annars kring alt landið norðan fyri Skopunarfjørð.
Men í flestu førum er talan um smærri um smærri skaðar, upplýsir løgreglan.
Í Havn hava tvey hús, sum standa í gerð, fingið skaða. Talan var um skjøldrar, sum ikki megnaðu at standa ímóti vindinum, upplýsir Tórshavnar sløkkilið fyri útvarpinum.
Fyrsta fráboðanin kom um trý tíðina í nátt úr Hvalvík, har ein bingja var fokin á sjógv.
Roknað verður við, at nógv fleiri skaðafráboðanir fara at koma inn, nú tað lýsir fyri degi.
Vinarliga broyt tínar kennifíla - og privatlívsstillingar fyri at síggja hetta innihald