Uttanlands

Nú hava yvir 28 milliónir fólk havt koronasmittuna

Vøksturin tykist vera í minking í Latínamerika, sum er harðast rakti heimsparturin

Upprunafólk í Amasonskóginum í Brasil verða kannað fyri korona (Mynd: EPA)

Upprunafólk í Amasonskóginum í Brasil verða kannað fyri korona (Mynd: EPA)

2020-09-11 06:57 Author image
Ingi Samuelsen
placeholder

Eftir fýra døgum, er talið á koronasmittaðum í heiminum økt við einari millión úr 27 til 28 milliónir.

Tað vísir nýgjasta uppgerðin frá amerikanska John Hopkins universitetinum, ið varð kunngjørd í nátt.

Í gjár varð eitt annað vegamót nátt, tá talið av deyðum við virus fór upp um 900.000.

Les eisini: Talið á deyðum nærkast milliónini 

USA, Brasil og India liggja ovast, bæði tá talan er um flest smittað og flest deyð.

Næstan 6,4 milliónir fólk eru nú smittað í USA, 4,5 í India og 4,2 milliónir í Brasil.

Harðasti heimspartur er Latínamerika, har talið í gjár fór upp um átta milliónir smittað, skrivar Ritzau.

Men sambært Reuters, eru tað nú tekin um, at virusið spjaðist við lægri ferð í ávísum pørtum av heiminum, enn tað hevur gjørt fyrr.

Upp á sjey dagar – til og við mikudagin – eru í miðal beint oman fyri 67.000 smittað staðfest um samdøgrið í Latínamerika. Vikuna frammanundan lá talið um 80.500.

Rákið umfatar eisini Brasil, sum í reinum tølum er nógv tað harðast rakta landið í Latínamerika.

Uppgerðin hjá John Hopkins University hevur bara smittutilburðir við, ið eru váttaðir av heilsumyndugleikunum í landinum. Talan kann tí vera um myrkatøl eisini. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder