Null, null og aftur null

Síðani 22. apríl hevur Heilsumálaráðið at kalla hvønn dag dagført føroyingar við ongum. Ikki beinleiðis ongum, men tey hava boðað frá, at heldur eingin er smittaður við korona í dag.

Og dagurin í dag er einki undantak.

- Tað er framvegis ongin nýggjur smittutilburður staðfestur í Føroyum, og í løtuni er ongin føroyingur staðfestur smittaður við coronasmittuni. Hetta byggir á í alt 9.466 kanningar, skrivar Heilsumálaráðið.

80 kanningar vórðu gjørdar í gjár, og allar kanningarnar vóru negativar. Ongin nýggjur smittutilburður er staðfestur í Føroyum síðani 22. apríl.

Sostatt hevur ongin fingið staðfest smittu í teimum seinastu 3.196 kanningunum.