Innanlands

Nunnurnar 90 ár í Føroyum

Tá ið fyrstu fransiskanarasystrarnar komu til Føroya fyri 90 árum síðani, fóru tær alt fyri eitt undir skúla, sum stórur tørvur var á. Síðani stovnaðu tær fyrsta barnagarðin í landinum, og seinni kom eisini vøggustova – Rundi føðingardagurin verður ha´tíðarhildin í Mariukirkjuni á hvítusunnu

Frá høgru: Systi Marisa, Systi Louisa, Systi Florence, Systi Maria, Heðin Mortensen, borgarstjóri, Hjørdis Mortensen, borgarstjórafrú, Systi Cecilia og Jákup Simonsen, ráðgevi á Stjórnarskrivstovuni í Tórshavnar kommunu

Frá høgru: Systi Marisa, Systi Louisa, Systi Florence, Systi Maria, Heðin Mortensen, borgarstjóri, Hjørdis Mortensen, borgarstjórafrú, Systi Cecilia og Jákup Simonsen, ráðgevi á Stjórnarskrivstovuni í Tórshavnar kommunu

2021-04-19 18:42 Author image
Tíðindaskriv
placeholder

Tórshavnar kommuna: Tær komu til Føroya fyri 90 árum síðani fyri at hjálpa familjum, sum høvdu tørv á hjálp. Og tær eru her enn. Tá ið fyrstu fransiskanarasystrarnar komu til Føroya fyri 90 árum síðani, fóru tær alt fyri eitt undir skúla, sum stórur tørvur var á. Síðani stovnaðu tær fyrsta barnagarðin í landinum, og seinni kom eisini vøggustova.

Nunnurnar høvdu boðið borgarstjóranum og frú til eitt hugnaprát leygardagin. Tey umrøddu bæði fyrstu tíðina í Føroyum og virksemi í dag.

Í dag eru fimm nunnur í kleystrinum við Varðagøtu. Tær koma úr Írlandi, Belgia, Malta og Korea. Umframt eitt virkið trúarlív vitja tær sjúk og gomul, tær taka sær av ymiskum bólkum og hjálpa fátækum.

Nunnurnar fara at hátíðarhalda runda føðingardagin á hvítusunnu við eini hátíðarguðstænastu í Mariukirkjuni fyri meinigheitini.

Eitt stórt tal av havnarborgarum eru farnir ígjøgnum vøggustovu, barnagarð og skúla hjá nunnunum, og systrarnar hava altíð verið kendar fyri sítt samvitskufulla arbeiði og trúarliga tolsemi.

Einir 300 katolikkar eru í Føroyum í dag, og av teimum er ein triðingur føroyingar. Hinir koma úr nógvum ymiskum londum.

placeholder
placeholder