Nýtt og gott gamalt í Müllers Pakkhúsi

Fríggjadagin 1. desember letur framsýning við Kára Svensson upp í Müllers Pakkhúsi í Havn. Á framsýningini vísir Kári Svensson fram sítt stóra savn av listaverkum.

Kári Svensson telist millum okkara kendastu akryl- og oljumálarar, men hevur í nýggjari tíð arbeitt við at blanda tøkni og arbeiðshættir.

Henda søluframsýning verður eitt forkunnugt høvi, at síggja ymisku listarligu úttrykkini hjá Kára savnað á einum stað.

Fernisering verður fríggjadagin 1. desember frá kl. 16 til 18.

Opið er eisini leygardagin 2. desember og sunnudagin 3. desember frá klokkan 14 til 18.