Innanlands

Nýtt tilfar frá Heiðriki á Heygum

Plátan kallast “Illusions”, og er framleidd av Janusi Rasmussen og Sakarisi Joensen,

Mynd: Jens Kr. Vang

2020-02-21 11:22

Agnar Prestá

Heiðrikur á Heygum gevur í dag nýggja plátu út. Hon kallast “Illusions”. Talan er triðju plátuna hjá Heiðriki, ið eisini hevur verið virkin, tá takan er um videoløg og stuttfilmur.

Plátan “Funeral, ið kom út í 2017, fekk góð ummæli í Føroyum og uttanlanda. Tað árið vann Heiðrikur á Heygum heitið sum besti mannligi sangari 2017 á FMA.

Plátan er framleidd av Janusi Rasmussen frá popp bólkinum BYRTA, og Sakarisi Joensen, sum eisini framførir undir egnum navni. Heiðrikur hevur áður millum annað framleitt videoløg fyri BYRTA.

Umslagið av plátuni

Lagið er upptikið og framleitt í Íslandi, og streingirnir eru tiknir upp í Budapest.

Heiðrik hevur útgávukonsert í Norðurlandahúsinum 3. apríl, har hann framførir við fullum orkestri, strúkarum og kórinum KATA

Vinarliga broyt tínar kennifíla - og privatlívsstillingar fyri at síggja hetta innihald