Alda Nielsdóttir
Stutt eftir, at fyrstu atgongumerki til konsertirnar hjá endurstovnaða bretska rokkbólkinum Oasis, vórðu sett til sølu fríggjadagin, varð roynt at selja tey víðari fyri munandi hægri prís, og bólkurin heitir á fólk um ikki at keypa hesi atgongumerkini.
Oasis hevur 17 konsertir í Stórabretlandi og Írlandi næsta summar. Forsølan byrjaði fríggjakvøldið, og tilsamans roknar bólkurin við at selja umleið 1,4 milliónir atgongumerki.
Les eisini: Gallagher brøðurnir saman aftur
Sambært BBC hava vanlig atgongumerki til konsertirnar kostað millum 73 og 205 pund, men keyparar hava roynt at selt tey víðari fyri upp til 6.000 pund, sum svarar til yvir 53.000 krónur.
Sambært Oasis skulu atgongumerki seljast víðari umvegis síðunum Ticketmaster og Twickets, og ikki fyri hægri prís enn upprunaligi keypsprísurin.
Vinarliga broyt tínar kennifíla - og privatlívsstillingar fyri at síggja hetta innihald